ഇന്ത്യ, ഇറാന്, ശ്രീലങ്ക, ചൈന, ഇന്തോനേഷ്യ എന്നീ രാജ്യങ്ങളില് കണ്ടു വരുന്ന ഒരു പക്ഷിയാണു ആനറാഞ്ചി (ശാസ്ത്രീയനാമം:Dicrurus macrocercus). കാക്കയുടെ ഇനത്തില്പ്പെട്ട പക്ഷിയല്ലെങ്കിലും കേരളത്തില് ഇത് കാക്കത്തമ്പുരാട്ടി എന്നും അറിയപ്പെടുന്നു കാക്ക, പരുന്ത് പ്രാപ്പിടിയന് തുടങ്ങി, സ്വന്തം ശരീരവലുപ്പത്തിന്റെ പല ഇരട്ടിയോളം വരുന്ന പല മാംസഭോജി പക്ഷികളെയും കൊത്തി ഓടിക്കാന് ഇവയ്ക്ക് യാതൊരു ഭയവും ഉണ്ടാവാറില്ല. കാക്കകളെ പ്രത്യേക പ്രകോപനമൊന്നുമില്ലാതെ പിന്നാലെ ചെന്നു കൊത്തി തുരത്തുന്നത് ഈ പക്ഷിയുടെ ഒരു സ്വഭാവ സവിശേഷതയാണ്.
മാര്ച്ച് മുതല് ജൂണ് വരെയുള്ള സമയമാണ് ആനറാഞ്ചിയുടെ സന്താനോല്പാദന കാലം. ഉയര്ന്ന വൃക്ഷങ്ങളുടെ ശിഖരങ്ങളില് കുഴിഞ്ഞ കൂടുകൂട്ടിയ ശേഷം മൂന്നും നാലും മുട്ടകള് ഇട്ട് വിരിയിക്കും.മുട്ടകള്ക്ക് വെള്ളയോ റോസോ നിറവും, അതില് തവിട്ടു നിറത്തില് കുത്തുകളും കാണപ്പെടുന്നു. കൂടു കെട്ടുന്ന സമയത്ത് ഇവയുടെ ആക്രമണ സ്വഭാവം വളരെ കൂടുതലായിരിക്കും. എന്നാല് മൃദുസ്വഭാവമുള്ള പക്ഷികളെ ഇവ ഉപദ്രവിക്കാറില്ലെ ന്ന് മാത്രമല്ല അവ ഇവയുടെ കൂടിനടുത്തായി കൂട് കെട്ടി മറ്റു പക്ഷികളില് നിന്ന് സംരക്ഷണം ഉറപ്പുവരുത്താറുമുണ്ട്.
No comments:
Post a Comment